Қишки байрамлар арафасида Swagbucks ресурси америкалик смартфон харидорлари ўртасида сўров ўтказиб, одамлар айнан қайси компания гаджетларини кўпроқ хоҳлашини аниқлади.
Маълум бўлишича, iPhone кўпроқ ўсмирлар орасида машҳур – сўровномада қатнашганларнинг 51 фоизи айнан шундай смартфон хоҳлайди. Катталарнинг 32 фоизи эса Samsung смартфонларини маъқул деб топган.
Аёллар ва эркаклар ўртасида алоҳида ўтказилган сўров натижаларига кўра, аёлларга кўпроқ iPhone XS ёқиши аниқланган – сўровномада қатнашганларнинг 20 фоизи айнан шу смартфонни, яна 10 фоизи эса сал каттароқ, 6,5 дюймли XS Max’ни танлаган.
Эркаклар эса Samsung Galaxy S10 смартфонининг премьерасини кутмоқда — йигитларнинг 26 фоизини Samsung’нинг бўлажак флагмани қандай бўлиши қизиқтиряпти, 10 фоизи эса Galaxy S9ни совға сифатида олишга тайёр.
Аввалроқ "Prodege" нашри ҳам шунга ўхшаш сўровнома ўтказган ва унда иштирок этган аёлларнинг 71 фоизи ва эркакларнинг фақат 29 фоизи iPhone XS Max’ни совға сифатида олишга қарши эмаслигини билдирган эди. Айни вақтда 63 фоиз эркак ва 38 фоиз хотин-қиз Samsung Galaxy S10 хоҳлашини айтган. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
