Мексикалик тадбиркор Хосе Антонио дель Валле Coca-Cola компанияси устидан Мехико прокуратурасига арз қилди. Бу ҳақда Financial Times'га таяниб Kun.uz нашри хабар берди. Арзчи компаниядан 345 млн доллар ундирмоқчи. Арзга Coca-Cola’нинг гўёки мия фаолиятини яхшиловчи янги ичимлиги сабаб бўлган.
Валленинг айтишича, у 2012 йилда Мексика ва Нидерландияда аминокислоталар негизидаги қўшимчага эга Gaba номли ичимлик ишлаб чиқарилишини йўлга қўйган. Қўшимчанинг қўлланилиши тарафдорларининг таъкидлашича, у стрессни олишга, уйқу билан боғлиқ муаммоларни ҳал қилиш ва диққатни жамлашни яхшилашга ёрдам беради. Бироқ бу ичимликнинг ушбу хусусиятларини аниқлаш бўйича ўтказилган тадқиқотлар натижалари турличадир. Шунга қарамай, қўшимча Японияда озиқ-овқат саноатида фаол қўлланади.
Валле 2016 йилда ичимликнинг формуласини қайта кўриб чиқиш ва ребрендинг қилиш учун унинг ишлаб чиқарилишини тўхтатган. У шу билан бир вақтда Coca-Cola билан бу маҳсулот бўйича тижорий ҳамкорлик ҳақида музокаралар олиб боришни бошлаган. Ҳозирда бу маҳсулот Go Gaba деб аталади. 2017 йил декабрда томонлар Coca-Cola’га бундай ичимликларни кейинги 30 ой ичида ишлаб чиқарилиши ва тарқатилишида иштирок этишни тақиқловчи келишувни имзолашган. Бироқ кўп ўтмай мексикалик Coca-Cola Японияда Fanta Gaba номли ичимлик сотишни бошлаганидан хабар топган. Валле АҚШ компаниясига келишувни бузганини айтгач, ичимлик япон супермаркетлари пештахталари ва компаниянинг маҳаллий сайтидан олинган.
Энди эса мексикалик Coca-Cola’ни корпоратив фирибгарлик ва саноат мулкини ўғирлашда айбламоқда. У компания ҳаракатларидан кўрган зарарни 344,5 млн долларга баҳолаган. Прокурорлик тергови натижаларига кўра суд Coca-Cola’га ушбу айбловларни расман қўйиш-қўймаслик бўйича қарор чиқаради. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Тошкентда 02 кодли авторақамлар тахминан қачон пайдо бўлиши айтилди
Германияда ишлаш истагида бўлган ўзбекистонлик мутахассислар учун немис тили ўргатилади
Велосипедда сайр қилиш учун 3 сабаб: ёшартиради, оздиради ва умрни узайтиради
Учар автомобил йўловчи билан биринчи парвозини амалга оширди (видео)
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Владимир Путин «Крокус»да содир этилган теракт учун ўч олишга чақирди
Америкалик олимлар барча учун бирдек фойдали жисмоний фаоллик турини аниқлади
“Толибон” Афғонистоннинг Хост вилоятида беш нафар фуқарони қамчи билан жазолади