Селфи АҚШ фуқаросини 99 йиллик қамоқ жазосидан қутқариб қолди

Техас штатида истиқомат қилувчи Кристофер Прекопияга ўзи тушган селфи жиноят бўйича ўзини айбсиз эканлигини исботлашга ёрдам берди. Бу ҳақда Спутник РИА Новостига асосан хабар қилди.

Ёши йигит ўзининг собиқ қизига суюқасд қилишда айбланаётган бўлган. У Кристофер унинг уйига бостириб келганлиги ва кўкрак қисмида пичоқ билан хоч расмини чизиб жароҳат етказганлиги ҳақида полицияга ариза билан мурожаат қилади.

Барча айбловлар фақат жабрланган аёл сўзларига асосланганлигига қарамасдан, Прекопия шу кеча оиласи билан бўлганлигини таъкидлайди, бироқ у ҳибсга олинади.

Қораловчи томони унга 99 йил озодликдан маҳрум этиш жазоси берилишини талаб қилди. Кейинчалик йигитнинг яқинлари уни 150 минг доллар гаров эвазига қўйиб юборилишига муваффақ бўлишди.

Йигитнинг айбсизлигини унинг онаси исботлади. У қизга ҳужум қилинган куни улар оиласи билан воқеа жойидан 65 км узоқликда жойлашган отелда кечки овқат қилганлиги эсига тушади. Шу билан бирга, улар фото-суратга тушиб, ижтимоий тармоқларга қўйишган, хусусан Кристофер геолокация билан Facebookда селфи суратини жойлаштиради. Бу фотосурат полиция ходимларини шу йигит ҳодиса юз берган вақтда умуман бошқа жойда бўлганлигига ишонтирди.

Кейинчалик хафа бўлган қиз, собиқ йигитдан қасос олиш мақсадида шу воқеани ўйлаб топганлиги маълум бўлди.

Бу ишда тушунарсиз ҳолатлар жуда кўп. Жумладан, ҳақиқатда шу қизга ҳужум қилинганми ёки у ўзига ўзи жароҳат етказдими. Шунингдек, Прекопияни шу ресторанда кўрган гувоҳлар полицияни ишонтира олмаганлиги тушунарсиз ҳолат. «Замин» янгиликларини «Вконтакти»да кузатиб боринг