22:42 / 28.11.2018
3 371

Энди балиқдан олинган биогаз билан кемалар ҳаракатланади

Энди балиқдан олинган биогаз билан кемалар ҳаракатланади
Фото: The Guardian
Норвегиянинг Hurtigruten денгиз саёҳатига ихтисослаштирилган компанияси ўз кемаларини балиқ ва органик чиқиндилардан тайёрланган биогаз билан заправка қилмоқчи.

The Guardianʼнинг ёзишича, кемачиликда фойдаланиб келинаётган дизель ёқилғиси атроф-муҳитга катта зарар етказяпти. Балиқ ва бошқа органик чиқиндиларни қайта ишлаш ёрдамида олинадиган газдан эса сиқилган ҳолатда лайнерларни ҳаракатлантиришда фойдаланиш мумкин.

Мазкур ташаббус атмосферага парник газлари чиқарилишини камайтириш ва минтақадаги экологик вазиятни яхшилаш имконини бериши кутилаётир.

17 та кемадан иборат флотга эга мазкур компания 2021 йилгача камида олтита лайнерини биогаз ишлатиладиган қилиб қайта жиҳозлайди.

Hurtigruten ижрочи директори Даниэл Скьелдамнинг айтишича, балиқчилик ва ўрмон хўжалиги Норвегия иқтисодиётида етакчи тармоқлардан ҳисобланади. Шу боис мамлакатдаги катта миқдордаги органик чиқиндилар биоэнергетикани ривожлантириш учун яхшигина қулайлик яратади.

Арктика ва Антарктидага кема саёҳатларини уюштириш билан шуғулланиб келадиган Hurtigruten компанияси бундан олдин бир марта қўлланиладиган пластмасса маҳсулотларидан фойдаланиш амалиётидан воз кечганди. Бу экологияга салбий таъсир ўтказишни минималлаштириш мақсадида қилинганди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Энди балиқдан олинган биогаз билан кемалар ҳаракатланади