Буэнос-Айресда ўтган “Катта йигирматалик” саммити 1 декабрда қўшма баёнотнинг қабул қилиниши билан якунланди. Якуний ҳужжат бўйича зиддиятлар охирги лаҳзагача сақланиб қолди, бирор у аниқ мақсадлар қўйилмаган ҳолда қабул қилинди.
“Йигирматалик” давлатлари халқаро савдо тизими ва Жаҳон савдо ташкилоти такомиллаштирилиши зарурлиги ҳақидаги фикрга келишган. Саммит иштирокчиларининг фикрича, амалдаги тизим “олдига қўйилган вазифаларни бажармаяпти”. Етакчилар бу борадаги ислоҳотларни кейинги саммитда муҳокама қилишга келишиб олишган.
Шунингдек, ҳужжатда АҚШ ва “йигирматалик”нинг қолган давлатлари ўртасида иқлим бўйича турли фикрлик сақланиб қолди. АҚШ иқлим бўйича Париж келишувидан чиқмоқчилигини тасдиқлаган, қолган давлатлар эса тоза энергетикани ривожлантиришга содиқликларини таъкидлаб ўтишган.
“Йигирматалик” кейинги 3 йил учун коррупцияга қарши курашиш бўйича ҳаракатлар режасини маъқуллади. Бундан ташқари, G20 етакчилари интернетни террорчилик мақсадларида қўллашга қарши курашишга чақиришди ва одамларни ўз юртларидан қочишга мажбур қилувчи сабабларни бартараф этиш учун биргаликда ҳаракат қилиш муҳимлигини таъкидлаб ўтишди.
Муросасиз норозилик намойишлари ва полиция билан тўқнашувлар ортида ўтган, Гамбургдаги аввалги саммитдан фарқли, Аргентина пойтахтида ўтган саммит вақтида осойишталик ҳукм сурган. 30 ноябрда Буэнос-Айрес марказида келишилган йўналиш бўйича антиглобалчилар марши ҳеч қандай нохуш воқеаларсиз ўтган.
Режага кўра, “йигирматалик”нинг кейинги учрашуви 2019 йилнинг 28-29 июнь кунлари Япониянинг Осака шаҳрида ўтади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Футзал. Осиё Кубоги. Тожикистон Японияни гуруҳда қолдирди
Россия дунёдаги биринчи водород ёқилғили автомобилни тақдим этди
Ўзбекистонда ўтган уч ойда қанча автомобиль ишлаб чиқарилган?
Тошкентда 02 кодли авторақамлар тахминан қачон пайдо бўлиши айтилди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди
Америкалик олимлар барча учун бирдек фойдали жисмоний фаоллик турини аниқлади
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди