Санкт-Петербургда ўзбекистонлик эркаклар аёл кишини ўғирлаб кетиб шафқатсизларча калтаклади

Санкт-Петербург прокуратураси хабарига кўра, ўзбекистонлик икки эркак аёл кишини ўғирлаб кетиб, шафқатсизларча калтаклаганликда айбланди.

Айтишларича, улардан бири собиқ севгилисининг ёнига бориб муносабатларни қайта тиклашга чақирган. Рад жавобини олгач, яна бир ўзбекистонлик дўсти билан бирга машинада келиб аёл уйдан чиқадиган жойда кутиб турган. Чиқиши билан куч ишлатган ҳолда машинага ўтқазиб, аёлнинг танасига бешта хавфли зарбалар йўллашган. Кейин номаълум томонга жўнаб кетишган. Аммо уларни шаҳар ички ишлар бошқармаси ходимлари қўлга олган.

Тергов жараёнида исми-шарифи маълум қилинмаётган аёл кўрсатмаларини ўзгартирганди. Шу йўл билан ҳамюртларига ёрдам беришни кўзлаганди. Бироқ прокуратура мавжуд қонун асосида айблов эълон қилди. «Замин»ни Telegram’да ўқинг!