11:11 / 14.12.2018
4 163

АҚШда йўлга сочилиб кетган пуллар сабабли бир нечта ЙТҲ содир бўлди

АҚШда йўлга сочилиб кетган пуллар сабабли бир нечта ЙТҲ содир бўлди
Фото: «Korrespondent.net»
АҚШнинг Нью-Жерси штатида инкассатор машинасидаги пуллар йўлга сочилиб кетган. Бу бир нечта йўл транспорт ҳодисасига олиб келди, деб маълум қилмоқда «Хабар» нашри.

Шарқий Рутерфорд округи полиция бошқармаси матбуот хизматининг маълум қилишича, ЙТҲ автомобиль ҳайдовчилари четга ўтмасдан пулларни йиғиш учун йўлнинг ўртасида тўхташгани сабаб содир бўлган.

Шунингдек, ҳодиса сабаб Нью-Йорк яқинида катта тирбандлик юзага келган.

«Gothamist» порталининг хабар қилишича, пуллар «Brink's» компаниясига тегишли инкассатор машинасидан тушиб кетган. Сочилиб кетган пулларнинг аниқ миқдори маълум қилинмаган.

Ҳодисадан сўнг бир неча киши пулларни қайтариш учун полицияга қўнғироқ қилган. Ҳуқуқ тартибот органлари бошқа одамларни ҳам пулларни қайтаришга чақирган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » АҚШда йўлга сочилиб кетган пуллар сабабли бир нечта ЙТҲ содир бўлди