00:32 / 20.12.2018
4 381

Жээнбеков иккинчи марта Қирғизистон президентлигига номзодини қўймоқчи эмас

Жээнбеков иккинчи марта Қирғизистон президентлигига номзодини қўймоқчи эмас
Қирғизистон президенти Сооронбай Жээнбеков 2023 йилда президентлик муддати тугагандан кейин бу лавозимда қолиш нияти йўқлигини айтган. Бу ҳақда у 19 декабрь куни президент матбуот хизмати томонидан ОАВ вакиллари учун ташкил этилган пресс-конференцияда маълум қилган.

Унга кўра, Жээнбеков навбатдаги сайловда президентликка номзодини қўйиш ниятида эмас.

“Мен ҳеч кимни сиёсий рақиб деб ҳисобламайман. 2023 йилдан кейин оддий фуқаро бўлишни хоҳлайман. Сайлов пайтида сайловчилар бир-бирига рақиб бўлади. 2023 йилда президентлик ваколатим тугагандан кейин сайловда иштирок этмайман”, деган Жээнбеков.

Қирғизистон раҳбари ундан кейин инсофли одам президент бўлишига умид боғламоқда. Жээнбеков янги сайланадиган президентга ақл ўргатмаслигини ҳам айтиб ўтган.

Шунингдек, у Қирғизистон собиқ президенти Алмазбек Атамбоев билан кураш олиб бормаётганини ҳам таъкидлаган.

“Мен курашмаяпман, шунчаки ишлаяпман. Менинг ишим – халқ ва мамлакат манфаатлари учун ишлаш. Мен халқимга ва Аллоҳга берган ваъдам бўйича, ўз йўлимдан кетаман”, деган Қирғизистон раҳбари.

Бундан бироз аввал Қирғизистоннинг собиқ президенти Алмазбек Атамбаев президент сайловида номзод сифатида Сооронбай Жээнбековни танлаб хато қилганини айтган. У Жээнбековни қўллаб-қувватлаганидан афсусдалигини билдирган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Жээнбеков иккинчи марта Қирғизистон президентлигига номзодини қўймоқчи эмас