23:10 / 25.12.2018
5 494

Дубай ҳукмдорининг қизи қочишга уринишидан кейин илк бор суратга олинди

Дубай ҳукмдорининг қизи қочишга уринишидан кейин илк бор суратга олинди
Дубай ҳукмдорининг қизи Латифа бинти Муҳаммад Ал-Мақтум саройдан қочишга уринишидан кейин илк бор суратга олинди. Бу ҳақда Associated Press ахборот агентлигига таяниб Kun.uz хабар берди.

БААнинг WAM ахборот агентлиги 24 декабрда малика Дубайда оиласи билан бирга яшаётгани ҳақида ҳукумат баёнотини эълон қилган. Малика 15 декабрда БМТнинг инсон ҳуқуқлари бўйича собиқ олий комиссари Мэри Робинсон билан учрашган. Ахборот агентлиги малика ва Робинсоннинг бирга тушган суратини эълон қилган.

Декабрь бошида маликанинг саройдан қочишга урингани маълум қилинганди. Март ойида у дугонаси ёрдамида автомобилда қўшни Уммонга чиқиб кетган. У ерда дугоналар гидроциклга ўтириб, уларни нейтрал сувларда кутиб турган шериклари яхтасига етиб олишган. Яхта деярли Ҳиндистон соҳилларига етиб қолганда, унга ҳарбийлар етиб олиб, маликани ўзлари билан олиб кетишган.

Ўшандан бери малика ҳақида ҳеч нарса маълум бўлмаган. Инсон ҳуқуқлари бўйича ташкилот қизнинг тақдиридан хавотир билдирган. Қиз қочишигача видео ёзиб, унда мамлакатида ўзи истаганча яшашга йўл беришмаётганидан шикоят қилган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Дубай ҳукмдорининг қизи қочишга уринишидан кейин илк бор суратга олинди