Россия Федерацияси президенти қачон ухлайди?

^{Фото: «РИА Новости»}
Россия Федерацияси президенти Владимир Путин мамлакатдаги сиёсий партия етакчилари билан битта-битта гаплашди.

Кеч соат 23.00 да коммунистик партия етакчиси Геннадий Зюганов мамлакат раҳбарининг хизмат хонасига кирар экан, бир кунлик иш вақтидан иккитаси ўтиб кетганига ишора қилиб: «Учинчи смена бошландими?» мазмунида гап учирди. Бунга жавобан мамлакат раҳбари: «Ҳечқиси йўқ, мен шундай ишлаб ўрганганман», деди. Владимир Владимирович бу билан «алламаҳалгача ишлашимнинг бўйдоқ эканимга алоқаси йўқ», демоқчи бўлди, чамаси.

Владимир Путин бунгача Россия давлат думаси вице-спикери Сергей Неверов билан кўришишга улгурганди. Маълум бўлишича, Зюгановдан кейин Сергей Миронов (СПР) ва Владимир Жириновский (ЛДПР) навбат кутишиб турган экан. «Замин»ни Telegram’да ўқинг!