Пентагондагилар АҚШ президенти Дональд Трампга америкалик ҳарбийлар Сурияни тарк этаётгани муносабати билан қуролларни курдларга қолдириш бўйича таклиф киритишмоқчи. Бу ҳақда Kun.uz нашри Reuters агентлигига асосланган ҳолда хабар қилмоқда.
Хабарда айтилишича, курдларга қолдириладиган қуроллар ичида зирҳли техникалар ҳамда танклар ҳужумига қарши ракеталар ҳам мавжуд. Бу таклиф АҚШ президенти томонидан қаноатлантирилса, Сурия шимолидаги курдларни террорчилар сифатида қабул қиладиган Туркия ўз норозиликларини билдириши мумкин.
28 декабрь куни Суриядаги курдлар мухторияти вакили Жейҳан Аҳмад маълум қилдики, курдлар Сурия армияси билан мамлакат шимолидаги ҳудудларни, жумладан Фрот дарёсининг ғарбий қирғоқларини Туркиянинг эҳтимолий ҳужумидан ҳимоя қилиш бўйича келишувга эришди. Унинг сўзларига кўра, «Сурия Демократик кучлари» расмий Дамашқ билан «Туркиянинг йўлини тўсиш» бўйича ҳамкорлик қилади.
Эслатиб ўтамиз, 19 декабрь куни АҚШ президенти Дональд Трамп ИШИД устидан тўлиқ ғалаба қозонилганини эълон қилган ва америкалик ҳарбийларга Сурияни тарк этишга буйруқ берганди. Кейинроқ у Суриядаги жангарилар қолдиқларига қарши кураш Россия, Туркия ва Эрон каби мамлакатлар томонидан олиб борилиши кераклигини айтди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?
Велосипедда сайр қилиш учун 3 сабаб: ёшартиради, оздиради ва умрни узайтиради
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди
