Қирғизистон-Қозоғистон давлат чегараси участкасида Қирғизистон томонидан қурол ишлатилган ҳолда 23 январ куни ҳодиса юз берди. Бу ҳақда Қирғизистон Давлат Чегара хизмати маълум қилди.
Хизматнинг хабар беришича, Талас вилоятининг Жайилган деган жойида уч нафар номаълум шахс давлат чегараси орқали Қирғизистондан Қозоғистонга 10-15 та отни қонунга зид равишда олиб ўтмоқчи бўлган. «Ҳодиса жойига чегара наряди етиб келди, ҳамда чегара бузувчиларни ушлаш мақсадида тадбирлар кўрди. Аммо ушлашга уриниш чоғида номаълум шахслар чегарачиларга пичоқ ишлатган ҳолда қаршилик кўрсатди», – дейилади хабарда.
Таъкидланишича, хавфсизликни таъминлаш мақсадида чегарачилар ҳавога қарата огоҳлантирувчи ўқ узди. ДЧХнинг таъкидлашича, чегара нарядининг огоҳлантиришига қарамай қонун бузувчилари чегарачиларнинг талабига бўйсинмади ва қаршилик кўрсатишда давом этишди, шундан сўнг чегара наряди қонунбузувчиларга қарата ўқ отишга мажбур бўлди, бунинг натижасида чегара бузувчилардан бири жароҳат олди. Икки нафари Қозоғистон ҳудудларига ўтиб, яширинишга муваффақ бўлди.
Ўқдан жароҳат олган шахс вафот этди. У Қозоғистон фуқароси эди. Бу ҳақда Қозоғистон МХҚ чегара хизмати матбуот котиби Қанатбек Султанов маълум қилди.
Унинг айтишича, гумондорларни қидириш ишлари давом этмоқда. Унинг сўзларига қараганда, текширувлар ҳодиса юз берган жой яқинидаги Тараз чегара отрядининг «Жасоркен» заставаси атрофида олиб борилмоқда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
АҚШ разведкаси: Украина 2024 йил охиригача урушда ютқазиши мумкин
Зеленский: Россия Украинанинг иссиқлик энергетикасини деярли тўлиқ яксон қилди
Бизнес имкониятингизни кенгайтиринг
Қондаги шакар миқдорини тартибга солувчи фойдали мева номи айтилди
