Фото: CBS New York
56 ёшлик Дэвид Жонсон Powerball лотереясида 298,3 миллион доллар жекпот ютиб олиб, учинчи Нью-йорклик жекпот ғолибига айланди. Бу ҳақда Daryo хабар берди.
Iberia Foods юк машинаси ҳайдовчиси Дэвид 26 декабрь куни бетоб бўлишига қарамай ишга чиққан. Ёқилғи қуйиш шохобчасига кирганда, 5 доллар эвазига лотерея билетини сотиб олган. Ўша куни вазифасини бажаргач, бетоблиги сабаб эртасига ишга чиқмаслиги ҳақида огоҳлантирган ва уйга кетган.
Яна бир юк машина ҳайдайдиган дўсти ҳам ўша ёқилғи шохобчасига кирганда, у ердан билет олган бир одам жекпот ютиб олганини эшитган. Бу ҳақида Дэвидга телефон қилиб айтган. Аммо Дэвид бу ўзи эканини билмаган ва телефонда гаплашиб бўлгач, яна уйқуга кетган.
Ундан кейинги куни ишга чиққач, ёқилғи олиш учун шохобчага кирганида, билетини текшириб кўрган. Ютуқ чиққан билет ўзиники эканини билганида, қувончдан сакрай кетган. Ўша кундан бери қайта ишга чиқмаган.
«Мен юк ва шунга ўхшаш оғир нарсалар кўтаришим керак. Мени нотўғри тушунманглар. Ишимда яхши маош тўлашади. Лекин ишнинг ўзи қийин. Шунинг учун доим бўшашни орзу қилганман. Мана энди бунга имкон туғилди,» — дейди Дэвид.
Барча солиқларни тўлагач, Дэвидда 114 миллион доллар қолган. Ҳозирда у бу капитални бошқариш бўйича адвокат билан ишламоқда.
У бу пулга Бруклиндан оиласи учун янги уй сотиб олмоқчи эканини айтган, аммо бу унинг ягона режаси эмас.
«Мен доим Porsche олишни орзу қилганман. Қизилидан. Чунки кўчада уни ҳайдаб кетаётганимда ҳамма мени кўришини хоҳлайман,» — дейди у. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зоир Мирзаев “Телефонсиз мактаб”га 300 млн сўм мукофот берди
Германияда мактаб ўқувчилари оммавий равишда ислом динини қабул қилмоқда
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Россия дунёдаги биринчи водород ёқилғили автомобилни тақдим этди