Олмаотада автомобиллардан ўғирлик​ қилувчи 39 та гуруҳ ушланди

^{Фото: «Newtimes.kz»}
Олмаота полициячилари ўтган йил давомида автомобиллардан ўғирлик билан шуғулланувчи 39 та гуруҳни фош этди. Бу ҳақда «Дарё» хабар берди.

Полицияга кўра, жами 85 киши қўлга олинган. Улар ҳодисалар изидан, шунингдек, тезкор-тергов ҳаракатлари натижасида ушланган.
Автомобиллардан ўғирликлар асосан ҳеч қандай ҳимоя воситаларига эга бўлмаган машиналарда амалга оширилиши кузатилмоқда.

Статистика маълумотларида қайд этилишича, 2018 йил мобайнида Олмаотада талончиликни касб қилган 124 та, босқинчилик билан шуғулланган 49 та, автоўғирликлар содир этган 39 та, квартираларда ўғирликлар амалга оширган 27 та, машиналарни олиб қочишга ихтисослашган 16 та гуруҳ фаолиятига чек қўйилган. «Замин»ни Telegram’да ўқинг!