Киев аэропортида чегарачига пора беришга уринган ўзбекистонлик қўлга олинди

Фото: «Новости Узбекистана»
2019 йилнинг 26 февраль куни Киевнинг Жуляни аэропортида Минск рейси билан учиб келган ўзбекистонлик фуқаро қўлга олинди, деб ёзади «Новости Узбекистана».

Фуқаронинг маълумотлари текширилгач Украина давлат чегара хизмати томонидан унинг чегарадан ўтишини рад этиш ҳақида қарор қабул қилинган.

Мазкур ҳолатда фуқаро Н. вазиятни ўз фойдасига ҳал қилиш мақсадида Украина давлат чегара хизмати вакилига 500 доллар пора беришга уринган. Шундан сўнг у Украина хавфсизлик хизмати ходимлари томонидан қўлга олинган.

Ушбу ҳодиса юзасидан суриштирув ишлари олиб борилмоқда. «Замин»ни Telegram’да ўқинг!