Беларусь президенти Александр Лукашенко Россия билан интеграцияга ёндашувларни қайта кўриб чиқишга тайёрлиги ҳақида маълум қилди. Бу ҳақда у Европа ташкилотлари билан ҳамкорлик ва интеграция тузилмаларида иштирок этиш масалалари бўйича йиғилишда хабар берди, дея маълумот тарқатди БЕЛТА.
«Беларусь иттифоқ қуриш ғоясининг мутлақ тарафдори бўлиб қолади. Мен буни Россия Федерациясидаги тарафдорларимиз ҳамда рақибларимиз эшитишини хоҳлайман», - деди Беларусь етакчиси.
Унинг таъкидлашича, иттифоқнинг асосий тамойили - барча фуқаролар учун тенг шароитлар ва суверенитет постулати (исботсиз ҳам қабул қилинаверадиган дастлабки фараз - таҳ.).
Унинг сўзларига кўра, Россия раҳбарияти бундан аввал интеграцияга ёндашувларни қайта кўриб чиқиш ташаббуси билан чиққан. «Биз бунга тайёрмиз. Ҳукуматлар даражасида гуруҳлар ташкил этилди, бу иккилик доирасида бирлашув жараёнларини янада ривожлантириш бўйича таклифлар тайёрлаш учун қилинди», - дея аниқлик киритди Лукашенко.
Унинг қўшимча қилишича, биргаликдаги ишни таҳлил қилиш ва «фойдаланилмаётган ресурслар мавжуд бўлган жойларни» аниқлаш керак. Шунингдек, Беларусь президентининг қайд этишича, икки томонлама ҳамкорликнинг энг долзарб муаммолари ҳозирги вақтда иқтисодий соҳададир.
Москва ва Минск ўртасида нефть-газ соҳасидаги баҳс ўтган йилнинг охирида кескинлашди, ўшанда Лукашенко Россияда тайёрланаётган солиқ манёврини интеграцияни тўхтатишга уриниш деб атади: у туфайли Россия нефти Беларусга Европа нархларида етказиб берилиши лозим.
Сўнгги бир неча ой ичида Лукашенко бир неча бор республиканинг мустақиллиги ва суверенитети масаласи ҳақида гапирди. Ўтган йил декабрида у Беларусь ҳеч қачон Россия таркибига кирмаслиги ҳақида маълум қилди. Кремлдан таъкидлашларича, масала бундай шаклда муҳокама этилмаган.
Ўшанда Беларусь ОАВ давлат суверенитетини ҳимоя қилиш бўйича мамлакат истеблишменти ёпиқ мажлис ўтказганини хабар берди. Давлат раҳбарининг матбуот котиби бундай маълумотни рад этиб, Беларусда мустақиллик масаласи «аллақачон ҳал этилгани»ни таъкидлади.
2019 йил бошида у Беларусга Ғарб ва Шарқдан таҳдид борлиги ҳақида огоҳлантирганди. Унинг сўзларига кўра, республика «ҳам чапда, ҳам ўнгда, ҳам Ғарбдан, ҳам Шарқдан суверенитет ва мустақиллик масаласи бўйича жиддий равишда текширилади». Шу билан бирга, Лукашенконинг қайд этишича, агар ҳукумат самарали ишласа, мамлакатни «ўрнидан қўзғата олишмайди».
Бундан олдин, Лукашенко Путиннинг режаси ва президентликдан «тўйгани» ҳақида гапирганди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Шойгу Украина дронларига қарши қўлланиладиган янги воситалар билан танишди
“Хуфёна иқтисодиётга қарши кураш иллюзияси” — Солиқ қўмитасининг режалари нега танқидга учради?
Тимур Кападзе Японияга қарши кечадиган финал учрашуви олдидан нималар деди?
Шавкат Мирзиёев: Жаҳонда инвесторлар учун мислсиз кураш кетяпти
Россия кубоги. ЦСКА илк ўйинда Зенит билан дуранг ўйнади, Файзуллаев заҳирадан туширилди
Туркия Курдистон ишчи партиясига алоқадор 43 нафар террорчини йўқ қилди
Заргарлик дўконидан 49 млн сўмлик тилла буюмларни ўғирлаб кетган 12 ёшли бола ушланди