Москвадаги 2 та бозорда ўнлаб ўзбек ва тожик мигрантлар қўлга олинди (фото, видео)

  • 12 март 2019, 18:26
  • 3 496
  • Дунё
  • Москвадаги 2 та бозорда ўнлаб ўзбек ва тожик мигрантлар қўлга олинди (фото, видео)
    Москва полицияси махсус кучлари ва миграция хизмати «Садовод» бозори ҳамда «Москва» савдо марказида кенг кўламли рейд ўтказди.

    Хабарларга кўра, «бир неча ўнлаб мигрантлар ушланди, улар мамлакатда бўлиш тартибига риоя қилингани, шунингдек, бир қатор жиноятларга алоқадорлик бўйича текширилмоқда».

    Россия агентликларининг маълумотларига кўра, 11 март куни эрталаб тахминан соат 5:00лар атрофида полиция ва миграция хизмати вакиллари ичида бўлган юзга яқин автобус бозорларга келган. Полиция бозорни ўраб олган ва унга одамларни киритмаган.

    Фото: by_naikon/ instagram.com
    «Ахбор» тожик агентлиги хабарига кўра, полиция рейдининг асосий мақсади катта миқдорда пул ювишда гумонланаётган бозор раҳбарларини қўлга олиш эди.

    Полиция ва миграция хизмати ходимлари, бозор раҳбарларидан ташқари, оддий мигрантларни ҳам қўлга олишган.

    Фото: by_naikon/ instagram.com
    Баъзи ОАВ хабарига кўра, бу рейдлар 8 март куни Москванинг Марьино туманида меҳнат мигрантлари ўртасида рўй берган оммавий тартибсизликлардан кейин ўтказилди. Оммавий муштлашувлар вақтида ўқотар қуролдан уч киши яраланди.

    » » Москвадаги 2 та бозорда ўнлаб ўзбек ва тожик мигрантлар қўлга олинди (фото, видео)