18:02 / 13.03.2019
5 560

«Қирғизистон гўзали» ҳожилар учун либослар тўпламини тақдим этди

«Қирғизистон гўзали» ҳожилар учун либослар тўпламини тақдим этди
Фото: «Nur.kz»
Бишкекда Саудия Арабистонига ҳаж зиёрати учун йўл оладиган ҳожилар учун либосни «Қирғизистон гўзали» Айкол Аликжанова тикади. Собиқ модель бир йил аввал ҳижобга кирган ва муслималарга хос бўлган либослар тўпламини тақдим қилган эди, дея хабар беради «Muslimat.uz».

Кенг бичим, кўзга ташланмайдиган ранглар – унинг либослари мамлакатнинг кўпчилик аҳолиси томонидан илиқ кутиб олинди. Бироқ Айкол ҳаж зиёрати либослари учун энг яхши дизайн танловида қўлга киритган ғалабасини ўзининг энг юксак ютуғи деб ҳисоблайди.

Танловда 13 та номзод иштирок этди. Асосий эътибор кийимнинг қулайлиги, ранги ва дизайнига қаратилди. Ҳакамлар Айкол танлаган оқ матоларни «ҳаво ўтказадиган» ва гипоаллерген дея баҳолади. Саудия Арабистонида августда бўладиган ҳаж мавсумида ҳаво ҳарорати 40 даражага етади.

«Ҳамма бир хил либосда бўлса, бир-бирини топиш осонроқ бўлади. Шунингдек, оқ либосларга қараш ёқимли», дейди Қирғизистон мусулмонлар диний идораси Ҳаж ва умра бўлими ходими Абдулазиз Чинибеков.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » «Қирғизистон гўзали» ҳожилар учун либослар тўпламини тақдим этди