Россия ҳукумати қўшни мамлакатлар фуқаролари ҳисобига ўз худудлари аҳолисини кўпайтириш тизимини яратмоқда. Мақсад улкан: "янги россияликлар" ададини 5-10 миллион кишига етказиш. Бу ҳақида Россиядаги "Коммерсант" нашри хабар бериб ўтди.
Донор мамлакатлар сифатида эса рус тилида мулоқот қиладиган аҳоли мавжуд бўлган Украина, Қозоғистон, Ўзбекистон ва Молдавия кўрилмоқда. Айни вақтда тизимни ташкил этиш ишлари якунига етган. Унга кўра миграция сиёсатининг янги концепциясини 2019-2025 йилларда амалга ошириш кўзда тутилган. Владимир Путиннинг 6 март санасида концепцияни амалга ошириш учун ишчи гуруҳ тузиш ҳақида кўрсатмаси бу борада охирги қадам бўлди.
Ишчи гуруҳ 24 кишидан иборат бўлиб, унга турли вазирлик ва идоралар ходимлари, Госдума депутатлари кирган. Президент администрациясидаги фуқароларнинг конституциявий ҳуқуқларини ҳимоя қилиш бошқармаси раҳбари Максим Травников ишчи гуруҳни бошқаради.
Миграция масаласига катта эътибор қаратишни Владимир Путин талаб қилмоқда. У охирги вақтларда Россиядаги демографик инқироз ҳақида кўп гапирмоқда. Путин охирги марта федерал йиғилиш вақтида бу мавзуда гап очган ва Россия оғир демографик жараённи бошидан ўтказаётгани, туғилиш камайиб кетаётгани ҳақида гапириб, вазиятга кўникиб қолмасдан, қийинчиликларни енгиб ўтиш лозимлигини таъкидлаган эди.
Яқинда Россияда "Фуқаролик ҳақида" қонунга ўзгариш киритилиши кутилмоқда. Унга кўра РФ фуқаролигини олишни истаганлардан яшаш жойидан рўйхатдан ўтиш талаби олиб ташланиши кўзда тутилган. Шунингдек Украина фуқаролигидан Россия фуқаролигига ўтганларга давлат идораларида, хусусан Ички ишлар ва бошқа ҳуқуқ-тартибот органларида ишлашга рухсат берилиши кутилмоқда. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Қайси кундалик одатлар иммунитет пасайишига олиб келишини биласизми?
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда