9 апрель куни Нурсултон Назарбоев Қозоғистон ташқи ишлар вазири Бейбут Атамқуловни қабул қилди, деб хабар бермоқда мамлакат биринчи президенти матбуот хизмати. Назарбоевнинг учрашув давомида таъкидлашича, биринчи навбатда яқин қўшнилар билан муносабатларга эътибор қаратиш керак.
«Улар ишончли бўлиб қолиши керак», - деди Назарбоев.
Биринчи президентга ҳозирги фаолият ва вазирлик иши бўйича бўлажак режалар ҳақида маълумот берилган.
Назарбоев Қозоғистоннинг стратегик шериклари билан ҳамкорликни мустаҳкамлаш бўйича кўп томонлама чора-тадбирларни амалга ошириш ва ташқи сиёсий йўналишнинг узлуксизлигини таъминлаш муҳим эканини айтган.
- Қозоғистонда жуда жиддий сиёсий ўзгаришлар юз берди. Биз бутун дунёга Конституция доирасида ҳаракат қилиб, ҳокимият тинч йўл билан ўтишини таъминлаб бераётганимизни кўрсатдик. Ушбу тадбир ҳар бир киши учун муҳим аҳамиятга эга. Ҳозир энг муҳими - илгари ишлаб чиқилган ташқи сиёсатнинг ўзгармаслиги. Аввало, яқин қўшнилар билан муносабатларга эътибор қаратиш лозим. Улар ишончли бўлиб қолиши керак, - деди Н.Назарбоев.
Қозоғистон биринчи президенти бўлажак хорижий сафарлар ва халқаро тадбирларга пухта тайёргарлик кўриш зарурлигини билдирди.
- Айни пайтда қуйидаги масалаларга эътибор қаратиш лозим. Биринчидан, Жанубий Корея президентининг Қозоғистонга ташрифи. Иккинчидан, Хитой Халқ Республикасига «Бир камар, бир йўл» форумида иштирок этиш учун сафар қилиш. Шунингдек, беш йиллигини пойтахтимизда нишонлайдиган ЕОИИ юбилей саммитига муносиб тайёргарлик кўришни таъминлаш лозим, - деди Нурсултон Назарбоев. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Ўзбекистонда ўтган уч ойда қанча автомобиль ишлаб чиқарилган?
Damas учун онлайн контрактация очилади
АҚШнинг Суриядаги ҳарбий базасига ракеталар ҳужум қилди
Владимир Путин «Крокус»да содир этилган теракт учун ўч олишга чақирди
Футзал. Осиё Кубоги. Тожикистон Японияни гуруҳда қолдирди
Америкалик олимлар барча учун бирдек фойдали жисмоний фаоллик турини аниқлади