Крайстчерчлик банги терактдан сўнг Исломни қабул қилди

Янги Зеландиянинг Крайстчерч шаҳрида яшовчи Шэй Кенни масжидлардаги терактдан кейин Исломни қабул қилди ва ҳаёти буткул ўзгарди, дея хабар бермоқда Azon.uz нашри.
Энди унинг исми – Мусо. Бир ой муқаддам у уйсиз гиёҳванд эди.

“Мен Ислом – бу давлатнинг номи деб ўйлаган ва уни харитадан топа олмаган эдим, – дейди Мусо. – Ҳозир буни айтаётиб ўшанда қанчалар аҳмоқ бўлганимни ҳис қиляпман”.
Теракт қурбонларидан бирининг жанозасига келиши унинг ҳаётида бурилиш ясади: юрагида “нимадир уйғонди” ва мусулмон бўлишга қарор қилди.
“Мен ҳаётимда ҳеч қачон шунчалик меҳр-муҳаббат ва ҳузурни кўрмаганман”, – дейди у.

Энди Мусо аксар вақтини “Ан-Нур” масжидида ўтказяпти, аввалгидек кўчада эмас, бошпанасизлар учун мўлжалланган марказда яшаяпти. «Замин»ни Telegram’да ўқинг!