Грузиянинг собиқ президенти Михаил Саакашвили Россия президенти Владимир Путиннинг тан олинмаган Донецк ва Луганск халқ республикалари аҳолисига Россия фуқаролигини беришни соддалаштириш ҳақидаги фармонига изоҳ бериб, Украинанинг сайланган президенти Владимир Зеленскийга Путинга ён босмасликни тавсия қилди. Бу ҳақда унинг Facebook’даги видеомурожаатида айтилган.
“Путин Донецк ва Луганск вилоятларининг алоҳида туманларига паспорт бермоқда, Янукович Украинага қайтмоқчилигини эълон қилди, бензин нархлари ошмоқда – бу Путинга хосдир. У ҳозир Зеленский жамоасини синамоқда. Кўринишича у Украина, мисол учун, кўп томонлама музокаралар форматидан чиқиб, икки томонлама форматга ўтишини ва бошқа нарсаларни истаб дарҳол ён босишини хоҳламоқда”, деб айтган Саакашвили.
Грузиянинг собиқ президенти Путин билан мулоқот қилиш бўйича катта тажрибага эгалигини таъкидлаб ўтган. “Менда Путин билан мулоқот қилиш бўйича катта тажриба бор. Мен шуни айтмоқчиманки, унга қанчалик кўп ён боссангиз, у шунчалик кўп талаб қилаверади. Уни қондирадиган меъёр йўқ”, деб айтган сиёсатчи.
Саакашвили Россиянинг босими Украинани янада кучлироқ қилишига умид билдирган.
“Мен ишонаманки, президент Зеленскийда бунинг барчасига дош бериш учун бошидан етарлича мустаҳкамлик захираси бўлади ва шу сабабли бунга бамайлихотир муносабатда бўлиш лозим. Паханга ён босмаслик керак, пахан буни ҳеч қачон қадрламайди, унга кичик рамзий ён босиш ҳам, катта ён босиш ҳам қилмаслик керак. Украина Россияга ҳеч нарса мажбур эмас”, деб айтган грузиялик сиёсатчи.
24 апрелда Путин Украина шарқида жойлашган тан олинмаган Донецк ва Луганск халқ республикалари аҳолисига Россия фуқаролигини бериш тартибини содддалаштириш ҳақида фармонни имзолади.
Зеленский штабида Путиннинг ушбу фармони “жаҳон ҳамжамиятига Россиянинг тажовузкор давлат эканлигига яна бир яққол тасдиқ” ҳисобланиши айтилган. Амалдаги президент Пётр Порошенко эса Россияни Донбассни босиб олишга тайёрланаётганликда айблаган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Қайси кундалик одатлар иммунитет пасайишига олиб келишини биласизми?
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда
