Испаниялик астрономлар жорий йил бошида Ойнинг тўлиқ тутилишини кузатиш вақтида метеоритнинг Ой сиртига урилиши натижасида ҳосил бўлган кучли чақнашни қайд қила олишди. Таъкидланишича, метеорит урилган жой Лагранж кратери яқинида жойлашган.
Тадқиқот муаллифлари Уэльва университетидан профессор Хосе Мария Мадьедо ва Андалусия астрофизика институтидан доктор Хосе Л. Ортис ҳисобланади.
Воқеа 2019 йил 21 январда юз берган. Айнан ўшанда кўплаб астрономлар Ойда юз берган кучли чақнашни қайд қилишган. Бир нечта телескопдан тўпланган маълумотлар асосида бу айнан метеоритнинг тўқнашуви эканлиги ўрнатилган.
Олимларнинг айтишича, ушбу метеоритнинг оғирлиги 45 кг, эни 30-60 см бўлган. Ҳисоблашларнинг кўрсатишича, само жисмининг Ойга урилиши вақтидаги тезлиги 61 минг км/соатга тенг бўлган. Унинг Ой сиртига урилишидан ҳосил бўлган портлаш кучи 1,5 тонна тротилни ташкил қилган. Метеорит Ой сиртида диаметри 15 метрча келадиган кратер қолдирган.
“Бундай юқори тезликдаги тўқнашувни Ердаги лабораторияларда жонлантиришнинг иложи йўқ”, деб айтган астрономлардан бири.
Чақнаш давомийлиги бор-йўғи 0,28 сонияни ташкил қилган. У Ой тутилиши вақтида суратга олинган тарихдаги илк чақнаш бўлди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди
