Украина Бош прокуратураси Порошенкони сўроққа чақирди

^{Фото: Reuters}
Украина Бош прокуратураси амалдаги мамлакат раҳбари Пётр Порошенкони сўроққа чақирди, деб ёзади «Daryo.uz».

Бош прокуратура бошқарма бошлиғи Сергей Горбатюкнинг сўзларига кўра, президент «майдон ҳақидаги» иш бўйича 7 май куни сўроққа чақирилган.

Бундан ташқари, Порошенкодан 2016 йил ноябрь ойида бўлиб ўтган сўроқ баённомасини имзолашни талаб қилишади.
«Ҳам аввалги сўроққа имзо қўйиш учун, ҳам қўшимча сўроқ учун», — дея қўшиб қўйди Горбатюк.