Владимир Зеленский ўзи бошловчи бўлган шоуда қатнашиб, саҳнага чиқиб кетди (видео)

Украина президенти Владимир Зеленский Киевда «Лига смеха» кулгу шоусида қатнашди. Шоуни томоша қилиш учун борган Зеленский саҳнага чиқиб кетди ва ўзи аввал бошловчилик қилган дастурда чиқиш қилди.

«Хайрли кеч, сизларни яхши кўраман»,- деди Зеленский йиғилганларга қарата. Украина президенти саҳнада рақсга тушиб, шоудаги янги бошловчининг бошидан ўпишга ҳам улгурди. Шундан кейин Зеленский залга қайтиб, биринчи қаторда рафиқаси билан чиқишларни томоша қилди.

Интернетнинг рус сегментида Зеленскийнинг бу чиқиши истеҳзо билан кутиб олинди. Фойдаланувчилардан бири Украина президентининг бу ишига шундай баҳо берган: «Янги вазирлар маҳкамасига вакиллар танлаш учун ўтказилаётган кастинг. Жюрилар раҳбари - шахсан мамлакат президентининг ўзи».

Кастинг министров в новый кабмин Украины.
Председатель жюри - лично президент страны Зеленский, который принял участие в съемках юмористической программы «Лига смеха» в Киеве, где станцевал вместе с участниками шоу? pic.twitter.com/ySQelZcvzR
— Юлия Витязева (@Vityzeva) May 25, 2019

Зеленсий президентликка келишдан аввал Украинанинг энг машҳур шоуменларидан бири бўлган. Ўзининг ўтмишидан фахрланишини айтадиган Зеленский сайловлардан сўнг барча муаллифлик лойиҳаларидан чиқишини ва бутун эътиборини сиёсатга қаратишини айтганди.