20:08 / 19.06.2019
4 225

Афғонистонда мулла ўз оила аъзоларининг 11 нафарини отиб ташлади

Афғонистонда мулла ўз оила аъзоларининг 11 нафарини отиб ташлади
Фото: «Диалог»
Афғонистоннинг Фараҳ вилоятидаги масжид мулласи ўз оила аъзоларини тартибсиз ўққа тутиши оқибатида 11 киши ҳалок бўлди, 5 киши жароҳатланди. Бу ҳақда «Дарё» хабар берди.

Афғонистоннинг «Салом Ватандор» газетасининг Фараҳ вилояти кенгаш раиси Маҳмуд Наимийга таяниб хабар беришича, воқеа 10 июнь куни кечаси Фараҳ вилоятининг Хоки Сафед туманида содир бўлган.

Наимийнинг маълум қилишича, мулла аввал ўз оила аъзоларини отган, аммо уларга ёрдам бериш учун икки қўшниси югуриб чиққанида мулла уларни ҳам ўққа тутган. Оқибатда қўшнилар ҳам яраланган, улардан бири оғир аҳволда. Ҳалок бўлганлар орасида олти нафар аёл ва икки нафар бола ҳам бор.

Воқеа толибонлар назоратида бўлган туманда содир бўлган ва қотил толибонлар томонидан қўлга олинган.

Жиноят сабаблари ҳали ҳам номаълумлигича қолмоқда. Афғонистонда аввал ҳам оммавий қотилликлар содир этилган, лекин жиноятчининг ўз оила аъзоларини ўлдириши биринчи марта кузатилмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Афғонистонда мулла ўз оила аъзоларининг 11 нафарини отиб ташлади