Лионель Мессининг ресторани 15 кун давомида уйсизларга текин овқат тарқатади

  • 10 июль 2019, 07:40
  • 693
  • Дунё
  • Лионель Мессининг ресторани 15 кун давомида уйсизларга текин овқат тарқатади
    Фото: Google Images
    Аргентинанинг Росарио шаҳрида «Барселона» ҳужумчиси Лионель Месси ва унинг оиласига қарашли ресторан уйсизлар учун хайрия ташкил этмоқда. Бу ҳақда Дарё хабар берди.

    Аргентинада об-ҳавонинг совиб кетиши натижасида муҳтожларга ёрдам кўрсатилди. Ўтган ҳафтанинг жума кунидан бошлаб Мессининг VIP номли ресторани одамларга иссиқ таом улашиб келмоқда.

    «Бундан ташқари биз уларга қайноққина кофе ҳамда алкоголсиз ичимликлар бердик.
    Кўплаб одамлар ташриф буюрди ва улар ўзларини анча қадрлангандек ҳис қилди»
    , — деди ресторан бошқарувчиси Ариэл Алмада.

    Маълумот учун, мазкур хайрия тадбири 15 кун давом этади.

    » » Лионель Мессининг ресторани 15 кун давомида уйсизларга текин овқат тарқатади