Доғистонда ўқотар қуролдан яраланган эркак чалажон ҳолда машина ҳайдагани маълум бўлди

^{Фото: Доғистон полицияси}
Доғистоннинг Кайтаг туманида ичида ўқотар қуролдан отиб ўлдирилган эркак жасади бўлган ағдарилган автомобил топилди. Бу ҳақда «РИА Новости»га таяниб Дарё хабар бермоқда.

Туманнинг Хунгия қишлоғи фуқароси полиция бўлимига айбини тан олиб келган ва юзага келган можаро туфайли танишини отиб қўйганини билдирган. У ўқ узилган қуролни полицияга топширган.

Бироқ, тезкор тадбирлар давомида жабрдийда олган жароҳатлари оқибатида ўша заҳоти ўлмагани, балки автомобили рулига ўтиргани ва йўлда жони узилгани маълум бўлди.

Шу боис унинг машинаси бошқарувни йўқотиб, ағдарилиб кетган. «Замин»ни Telegram’да ўқинг!