Қозоғистонда амалдорларга икки йил давомида импорт машиналар сотиб олиш тақиқланди

  • 31 июль 2019, 14:43
  • 486
  • Дунё
  • Қозоғистонда амалдорларга икки йил давомида импорт машиналар сотиб олиш тақиқланди
    Қозоғистон бош вазири Асқар Мамин давлат органларига хизматда фойдаланиш учун импорт автомобиллар сотиб олишни тақиқлаш тўғрисидаги қарорни имзолади. Бу ҳақда "КазАвтоПром" матбуот хизматига таяниб Kun.uz маълум қилмоқда.

    Қайд этилишича, қарор кучга кирган ва икки йил давомида амал қилади. Ҳужжат билан фақатгина Қозоғистонда ишлаб чиқарилган ва мажбурий СТ-КZ сертификатига эга маҳсулотларни сотиб олиш ва ижарага олиш белгилаб қўйилди.

    "КазАвтоПром"нинг билдиришича, Қозоғистонда ўтган йили қабул қилинган чоралар аксарият давлат органлари ва компанияларнинг харид сиёсатини қайта кўриб чиқишига олиб келган. Натижада 2019 йилнинг олти ойи давомида сотиб олинган хизмат машиналарининг атиги 1 фоизи хорижда ишлаб чиқарилган машиналар бўлган.

    » » Қозоғистонда амалдорларга икки йил давомида импорт машиналар сотиб олиш тақиқланди