АҚШ Сурияда жангарилар гуруҳини қўллаб-қувватлаётганини тасдиқлади

  • 01 август 2019, 23:39
  • 1 157
  • Дунё
  • АҚШ Сурияда жангарилар гуруҳини қўллаб-қувватлаётганини тасдиқлади
    Фото: «РИА Новости»
    Пентагон Суриядаги Ат-Танф ҳарбий базасида «Магавир Ас-Саура» жангарилар гуруҳини тайёргарликдан ўтказаётганини тасдиқлади, деб ёзади «Дарё».

    Аввалроқ Россия қуролли кучлари бош штаби бошлиғи генерал-полковник Сергей Рудской АҚШлик йўриқчилар Ат-Танф атрофида «Магавир Ас-Саура» жангарилар гуруҳини тайёргарликдан ўтказаётгани, сўнгра уларни вертолётларда Фрот ортига ташлаётганини айтганди.

    «Ат-Танф атрофида ‘Магавир Ас-Саура’ коалиция ҳамкори ҳисобланади. ‘Магавир Ас-Саура’ ИШИДни тўхтатиш ва хавфсизликни ушлаб туришда ўзининг самарадорлигини намойиш этди», - деб маълум қилди коалиция матбуот хизмати.

    Маълум қилинишича, АҚШ Ат-Танф атрофида ИШИДни яксон қилиш учун коалиция кучларини тайёрлаш ва уларга маслаҳат беришни давом эттиради.

    ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.

    » » АҚШ Сурияда жангарилар гуруҳини қўллаб-қувватлаётганини тасдиқлади