Дунёнинг энг бой одами ўз компаниясининг 1,9 млрд долларлик акцияларини сотиб юборди

  • 02 август 2019, 08:30
  • 806
  • Дунё
  • Дунёнинг энг бой одами ўз компаниясининг 1,9 млрд долларлик акцияларини сотиб юборди
    Дунёнинг энг бадавлат инсони, Amazon бош директори Жефф Безос дунёдаги энг йирик онлайн-ретейлернинг 1,899 млрд доллардан кўпроқ қийматдаги акцияларини сотиб юборди.

    Хабарга кўра, Безос Amazon’нинг 900 мингдан кўпроқ акциясини 29-31 июль кунлари 3 босқичда донасини 1,9 минг доллар атрофида сотиб юборган. Ҳозирда тадбиркорнинг қўлида компаниянинг 58,143 млнта акцияси қолмоқда.

    Безос 2017 йилда бошқа бир компанияси – Blue Origin’ни қўшимча молиялаштириш учун ҳар йили Amazon’нинг 1 млрд долларга яқин акциясини сотиш режасини маълум қилганди.

    Ҳозирда Безоснинг бойлиги 131 млрд долларни ташкил қилмоқда. Миллиардер капиталлашуви 2018 йилда 1 трлн долларга етган Amazon’дан ташқари, Blue Origin аэрокосмик компаниясига эгалик қилади.

    » » Дунёнинг энг бой одами ўз компаниясининг 1,9 млрд долларлик акцияларини сотиб юборди