Жеймс Бонднинг афсонавий автомобили аукционда 6,4 млн долларга сотилди

  • 18 август 2019, 19:23
  • 551
  • Дунё
  • Жеймс Бонднинг афсонавий автомобили аукционда 6,4 млн долларга сотилди
    1964 йилда Жеймс Бонд ҳақидаги «Голдфингер» фильмини суратга олишда фойдаланилган «Aston Martin DB5» автомобили аукционда 6,4 млн долларга сотилди.

    Калифорниянинг Монтерей шаҳрида – классик автомобилларнинг дунёдаги энг катта аукциони лотида ғолиб чиққан миллионернинг исми матбуотга маълум эмас.

    The Guardian хабарига кўра, бу ретро-машина аукционда кутилганидан ҳам қимматроққа сотилган ва DB5 серия автолари ичида энг қимматига айланган.

    «Аукционда рекорд қайд этилгани, қолаверса, машинага қизиқишнинг ўта юқорилиги ва унинг атрофидаги шов-шувни ҳисобга олиб, бу DB5ни жаҳоннинг энг машҳур автомобили деб ҳисобласак бўлади», – дейди аукционер Барни Рупрехт.

    Агент 007 ҳақида ҳикоя қилувчи иккита фильмда Aston Martin`нинг мазкур моделини ҳайдаб суратга тушган Шон Коннери ҳам автоколлекционерларнинг бу DB5`га қизиқиши бежиз эмаслигини таъкидлади.

    Фото: Richard Drew/AP
    «Бу машиналар билан боғлиқ реклама кампаниялари эсимда, улар «Голдфингер» ва «Сандербол» фильмларидан кейин улар анча машҳур бўлиб кетганди. Ўзим ҳам яқинда ажойиб DB5 сотиб олгандим», – деди Коннери.

    Монтерейда ўтаётган автомобиль ҳафталигида сотувларнинг умумий қиймати 380 млн долларга етиши кутиляпти. Бунда ҳар бири 1 млн доллардан ошиқроқ нархга сотилаётган машиналар сони юзтадан ортиши тахмин қилинган.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Жеймс Бонднинг афсонавий автомобили аукционда 6,4 млн долларга сотилди