Трампнинг рафиқаси юртида унинг жаҳлдор қиёфадаги ҳайкали ўрнатилди

^{Фото: twitter.com/berangerecagnat}
АҚШ президентининг рафиқаси Меланя Трамп юрти – Словенияда Дональд Трампнинг ёғоч ҳайкали ўрнатилди. Бу ҳақда The Washington Post нашри хабар берди.
Ҳайкал АҚШ биринчи хонимининг болалиги ўтган, пойтахт Люблянадан 30 км узоқликда жойлашган Севница қишлоғида ўрнатилган.

Ҳайкалнинг баландлиги 8 метрча бўлиб, Трамп унда кўк костюм ва қизил галстукда жаҳлдор қиёфада ва муштини юқорига кўтарган ҳолда тасвирланган.

Ҳайкал муаллифларининг айтишича, “жаҳлдор ёғоч Трамп” “популизмга тўла замонавий дунёни” ифодалайди.
Популизм сиёсатда кенг омманинг ҳис-туйғулари билан ўйнашиш, сайловолди курашда машҳурликка эришиш мақсадида асоссиз ваъдалар бериш усули ҳисобланади. «Замин»ни Telegram’да ўқинг!