16:33 / 01.09.2019
4 144

Польша президенти Сталин ва Гитлерни тил бириктирганликда айблади

Польша президенти Сталин ва Гитлерни тил бириктирганликда айблади
Фото: Florion Goga / Reuters
Польша президенти Анжей Дуда Bild нашрига берган интервьюсида собиқ иттифоқ ва нацистлар Германияси етакчилари Иосиф Сталин ва Адольф Гитлер Польшани йўқ қилиш мақсадида тил бириктиришгани ҳақида сўзлаб берди.

Дуданинг айтишича, Польшанинг босиб олиниши собиқ иттифоқ ва Германия томонидан 1939 йил августида имзоланган Молотов-Риббентроп пактида тилга олинган. Дуда иттифоқ армиясини Германиянинг бош иттифоқдоши деб атаган ва у ҳужжат имзолангандан бир ой кейин Польша ҳудудига кириб борганини эслатиб ўтган.

Дуда айни вақтда Россия “ўзини бундан бехабардек тутмоқда ва “тажовузкор сиёсатни” давом эттирмоқда”. Жумладан, Польша президенти Россияни Грузия ва Украинага ҳужум қилишда айблаган.

Аввалроқ Польша ташқи ишлар вазири ўринбосари Шимон Шинковский мамлакат парламентига Россия нима учун Иккинчи жаҳон уруши бошланишининг 80 йиллигига бағишланган тадбирларга таклиф қилинмагани сабабини тушунтириб берган. Унинг айтишича, Россия ўша машъум воқеаларни “тарихий ҳақиқат” руҳида нишонлашдан манфаатдормас.

Иккинчи жаҳон уруши Германиянинг 1939 йил 1 сентябрда Польшага бостириб кириши билан бошланган. 17 сентябрда эса Польшага собиқ иттифоқ қўшинлари кириб борган ва мамлакат ҳудуди икки давлат томонидан бўлиниб олинган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Польша президенти Сталин ва Гитлерни тил бириктирганликда айблади