Ўғлини биринчи синфга олиб борган Зеленский матбуот вакиллари билан жанжаллашиб кетди (видео)

^{Фото: РИА Новости}
Украина президенти Владимир Зеленский ва унинг рафиқаси Елена ўқув йили бошланиши муносабати билан ўтказилган тадбирда фарзандлари Кириллга журналистлар томонидан ҳаддан ортиқ эътибор қилинишига салбий муносабат билдиришди.

“Украинские вести” нашрининг хабар беришича, ОАВ вакиллари Зеленскийнинг 6 ёшли ўғли биринчи синфга бориши керак бўлган мактаб ёнида тўпланишган. Бироқ болакайни суратга олишнинг иложи бўлмаган, чунки Украинанинг биринчи хоними камераларни олишни талаб қилган.

“Камераларни олинг”, деб талаб қилган Елена Зеленская ва уларни қўли билан ёпган.

Бундан аввалроқ Зеленская Instagram’даги саҳифасида ўғлининг мактабга илк бор қадам қўйиши ҳақидаги хабар билан бўлишган.
Шундан кейин Зеленскийнинг шахсан ўзи суратга олиш гуруҳи ёнига гаплашиб қўйиш учун борган ва улардан ўғли суратларини эълон қилмасликни талаб қилган.
[media=https://youtu.be/ltLS-51PmVM]
Таъкидланишича, шу мактабнинг 9-синфида президентнинг 15 ёшли қизи Александра ҳам таълим олади. Бундан ташқари, таълим учун тўлов 13 минг долларгача етадиган ушбу нуфузли мактабга Украинанинг бошқа таниқли инсонлари, жумладан боксчи Александр Усик, собиқ бош вазир Владимир Гройсманнинг фарзандлари боради.

Янгиликлар