08:17 / 26.09.2019
3 556

1 йилда ҳар куни эрталаб югурган одам ҳақида эшитганмисиз?

1 йилда ҳар куни эрталаб югурган одам ҳақида эшитганмисиз?
Ҳаммамиз спорт билан шуғулланамиз ва уни яхши кўрамиз. Кимдир спорт залга боради, кимдир фитнесга ва яна баъзи инсонлар эрталаблари югуришни хуш кўришади.

Лекин, барчамизда режалаштирилган машғулотларни қандайдир сабаблар билан ўтказиб юборган ҳолатларимиз бўлган. Аммо, биргина машғулотни қолдирмасдан, йил бўйи мунтазам шуғуллансак қандай бўлади?

Биз буни бир йил ҳар куни тўхтовсиз югурган африкалик йигитнинг мисолида кўриб чиқамиз.
Бу бола мақсад қўйишдан ҳеч қачон қўрқмаган.

Хелок Сидибе, бугунги қаҳрамонимиз, ғарбий Африкада туғилган. Болалигидан бери, Хелок жуда кичик ва нимжонлиги билан тенгқурларидан ажралиб турган. Шу сабабли, у болалар футбол клубидаги фаолиятини давом эттира олмади ва бу нарса уни жуда хафа қилди. Шунга қарамай, Сидибе бақувват кўриниш ва ҳар куни спорт билан шуғулланишга ўзига ваъда берди.

Мана 10 йиллардан кўп вақт ўтгандан сўнг, Сидибе 365 кун эрталаб югуришни ўз олдига мақсад қилиб қўйди ва буни уддалади. Бу машғулот унга ижобий ўзгаришларни олиб келганини айтиш керак.

Биринчи ўзгариш, бу Хелокнинг бўйи 4 сантиметрга ўсгани бўлди. Албатта, қомати ҳам ўзига яраша чиройли кўринишга келганини ҳам қўшиб кетиш мумкин.

"Ҳаётимда 25-соат пайдо бўлди. Жиддий айтяпман, кўпроқ нарсаларни қилишга улгура бошладим. Жуда қувноқ ва тетик, шунингдек куним самарали ўтмоқда", - дейди Хелок.

Африкалик йигитнинг сўзларига кўра, ушбу челленжни бошлагунига қадар авваллари бўлган юрак муаммолари йил давомида уни безовта қилмаган. Залдаги куч тўпловчи машқларни қилиш орқали Хелок чидамлироқ бўлганини айтиб берди.

Яна у нотўғри овқатланиш, спиртли ичимликлар ва тамаки маҳсулотларидан қутулганини ҳам қўшимча қилиб ўтди.
"Бу автоматик ҳолда юз бера бошлади", - дейди Сидибе Хелок.

Энг муҳими — мазкур 365 кун югуриш челленжи орқали ақлбовар қилмайдиган иродага эга бўлди. Об-ҳаво, ўзини безовта қилувчи омиллар ва "қулай зона"дан чиқиш орқали кучли руҳиятни ўзида тарбиялай олгани маълум бўлди.

Бу ҳақда ундан энди бошламоқчи бўлган янгилар сўрашганида, Хелок дастлабки 30 кунда росмана қийин бўлиши ва шундан сўнг одатий ҳолга айланиши, бу нарса завқ бера бошлашини айтган.

Сиз қандай қийинчиликларга дуч келгансиз? Уларни енгиб ўта олганмисиз?
Нодир Абдурасулов таржима қилди

Манба: Championat.asia

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » 1 йилда ҳар куни эрталаб югурган одам ҳақида эшитганмисиз?