Ертўлада 9 йил қиёматни кутиб яшаган нидерландиялик оила қутқарилди

  • 16 октябрь 2019, 13:12
  • 2 112
  • Дунё
  • Ертўлада 9 йил қиёматни кутиб яшаган нидерландиялик оила қутқарилди
    Нидерландия полицияси олис фермалардан бирининг ертўласида 9 йилдан бери қиёмат қойим бўлишини кутиб яшаётган ота ва унинг олти фарзандини қутқарди. RTV телеканалининг хабар беришича, тўнғич ўғил маҳаллий барга борган ва ёрдам сўраган.

    Фермага келган полициячилар меҳмонхонадаги шкаф ортида ертўлага тушадиган зина борлигини аниқлашди. У ерда миясига қон қуйилгани туфайли тўшакка михланган ота ҳамда унинг 16 ёшдан 26 ёшгача бўлган олти нафар фарзанди бор эди. Болаларнинг онаси оила қишлоққа кўчиб келганидан кейин вафот этгани тахмин қилинмоқда.

    Оила томорқа ва уй чорваси ёрдамида кун кечирган.

    Дренте провинцияси полицияси ферманинг 58 ёшли ижарачисини қўлга олди. У маълумот беришдан бош тортяпти. Ферма эгасининг эса ертўлада оила борлигидан хабари бўлмаган.

    Қўшниларнинг сўзларига кўра, ижарачи шу пайтгача ҳеч кимни фермага яқинлаштирмаган, қўшнилар билан алоқа қилмаган.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Ертўлада 9 йил қиёматни кутиб яшаган нидерландиялик оила қутқарилди