Назарбоев Лондонда жазога тортилди

Қозоғистоннинг биринчи президенти Нурсултон Назарбоевнинг 28 ёшли невараси Ойсултон Назарбоев жорий йилнинг июнида Лондонда полициячиларга ҳужум қилгани учун шартли жазо олди.

ВВС хабарига кўра, у гиёҳванд моддаларнинг таъсирида полицияларга қаршилик кўрсатиш ва улардан бирини тишлаб олишда айбдор деб топилган.
О.Назарбоевга 18 ойлик синов муддати берилди. Агар у ана шу муддат ичида яна қонунни бузса, шартли жазо ҳақиқийга айланади.

Бундан ташқари, Назарбоев 140 соатлик жамоат ишларига жалб этилади ва гиёҳвандликдан даволаниш учун 20 та сессияга қатнайди, 1000 фунт миқдорида жарима ва етказилган зарарни қоплаш учун 5000 фунт тўлайди.

Ойсултон Назарбоев Қозоғистоннинг биринчи президентининг тўнғич қизи Дариға Назарбоева ва марҳум Роҳат Алиевнинг ўғлидир. У Буюк Британия Қироллик ҳарбий академиясида ўқиган ва Қозоғистон мудофаа вазирлиги бош разведка бошқармасига ишга олинган. «Замин»ни Telegram’да ўқинг!