Фото: Reuters
Ливан пойтахти Байрут шаҳрида намойишчилар муҳим мажлис ўтказиладиган вақтда парламент биносига олиб борадиган йўлларни ёпиб қўйди. Бу ҳақда «РИА Новости» хабар қилди.
Норозилик билдираётган оломон депутатларнинг автомобилларига йўл бермаяпти, фақат ҳарбий транспорт ва тез тиббий ёрдам машиналари парламент биноси томонга ўтказилмоқда. Ушбу транспорт воситалари ҳам ичида депутатлар йўқлиги текширилганидан кейин бино томон қўйиб юборилмоқда.
Парламент биносигача етиб келган депутат Али Амаар баррикадалар олдига чиқиб, LBC телеканалига интервью берган. У фуқароларнинг митинглар ўтказиш ҳуқуқига эга эканлигини қайд этган ва бино томон пиёда юриб тўсиқларни айланиб ўтишга уринган.
Депутатлар колоннасининг бири тўсиқлардан ўтишга уринган вақтда норозилик билдираётган оломон машиналарни тошбўрон қилган. Қўриқлаш ходимлари эса халқни тарқатиш учун ҳавога ўқ узган.
[media=https://twitter.com/zouheirelchami/status/1196705839081512960]
Маҳаллий ОАВ хабарларига кўра депутатларнинг кўпчилиги ўз иш жойигача етиб бора олмаган. Парламент аъзоларининг айримлари эса норозилик билдираётган халқни қўллаб-қувватлагани туфайли мажлисда иштирок этмасликка қарор қилган.
19 ноябрдаги парламент мажлисида бир нечта, жумладан, амнистия ҳақидаги қонун қабул қилиниши кўзда тутилганди, намойишчилар ушбу қонуннинг қабул қилинишига ҳам норозилик билдирмоқда.
Фуқаролар коррупцион схемалар иштирокчиси бўлган амалдорларнинг ушбу қонун доирасида жазодан қутулиб қолиши мумкинлигидан хавотирланмоқда. Экспертлар фикрича, амнистия оқибатида террорчилар қонуний жазони муддатидан олдин якунлаши мумкин.
Аввал Ливанда бош вазир Саъд Ҳаририйнинг истеъфога чиққани, унинг ўрнини мамлакат собиқ молия вазири эгаллаши мумкинлиги хабар қилинган. Бироқ Муҳаммад Сафадий мамлакат бош вазири бўлиш учун ўз номзодини қўймасликка қарор қилган ва истеъфо берган ҳукуматнинг собиқ раҳбари Саъд Ҳаририй ўз лавозимига қайтишига умид қилишини билдирганди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Қайси кундалик одатлар иммунитет пасайишига олиб келишини биласизми?
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда
