«Евросиё иқтисодий иттифоқига қўшилганидан кейин Қирғизистон барча фронтларда ютқазди»

“Агар Евросиё иқтисодий иттифоқидан мамлакатга ҳеч қандай фойда бўлмаса, бундай иттифоқдан чиқиш керак“, - дея таъкидлаган, депутат Кенжебек Бокоев 26 ноябрь кунги Парламентнинг иқтисодий ва молиявий қўмитаси йиғилишида.

Депутатнинг сўзларига кўра, Қирғизистон Евросиё иттифоқига киришидан аввал берилган ваъдаларини бажаришмаяпти. Масалан, иттифоқ мамлакатлари ўртасида маҳсулотлар тўсқинликсиз ҳаракатланишига келишилган, лекин ёқилғи маҳсулотларини Қозоғистон орқали олиб ўтишнинг имкони бўлмаяпти.

“Яна, бизга валюталарнинг ҳам тўсқинликсиз ҳаракат қилиши ҳақида гапирилган эди. Лекин, бунга ҳам чекловлар бор. Евросиё иқтисодий иттифоқига қўшилганидан кейин Қирғизистон барча фронтларда ютқазди, айниқса қишлоқ хўжалигида. Нима учун Россия ва Қозоғистондан тирик ҳайвонларни импорт қилишади-ю, Қирғизистондан [уларга] олиб кириш мумкин эмас“, - дея савол берган Қирғизистон парламентининг депутати.

Аввалроқ, Россия Федерацияси Федерал Мажлиси раиси Валентина Матвиенко Шавкат Мирзиёев мамлакатнинг Евросиё иқтисодий иттифоқига қўшилиш масаласини ишлаб чиқиш бўйича қарор қабул қилганини айтган эди.

Шундан сўнг Ўзбекистоннинг Евросиё иқтисодий иттифоқига қўшилиш масаласи кенг жамоатчиликда турли қарашларни келтириб чиқарди. «Замин»ни Telegram’да ўқинг!