АҚШда уйғурлар ҳақида қонун қабул қилингани Хитойга ёқмади

  • 05 декабрь 2019, 17:00
  • 1 120
  • Дунё
  • АҚШда уйғурлар ҳақида қонун қабул қилингани Хитойга ёқмади
    АҚШ Конгрессининг вакиллар палатаси томонидан Шарқий Туркистон (Шинжон мухтор тумани)даги вазият бўйича қонун лойиҳасининг қабул қилинишидан Хитой норози бўлди. Бу ҳақда Islamnews нашри хабар бермоқда.

    Қонунда ҳуқуқлари бузилган уйғурларга ёрдам кўрсатиш, шунингдек Шарқий Туркистондаги вазият учун айбдор бўлган хитойлик мулозимларга санкция жорий этиш кўзда тутилган. Мазкур қонун кучга кириши учун сенат ва президент Дональд Трамп томонидан маъқулланиши зарур.

    Хитой ташқи ишлар вазирлигининг расмий вакили Хуа Чуньин эса қонун лойиҳасини танқид қилиб, унинг муаллифларини Хитойнинг террорчилик ва халқаро ҳуқуқнинг бузилишига қарши олиб бораётган ҳаракатларини қоралашга уринишда айблади.

    Хитой томони ҳам АҚШга жавоб қайтариш ниятида. Хусусан, уйғурлар мавзусини кўтарган америкалик сиёсатчиларга виза чекловларини жорий этмоқчи.

    Маълумот

    Посетители, находящиеся в группе Гости, не могут оставлять комментарии к данной публикации.
    » » АҚШда уйғурлар ҳақида қонун қабул қилингани Хитойга ёқмади