«Биз Назарбоевнинг тираниясига қарши курашишга тайёрмиз»​ – Қозоғистонда норозилик намойишлари бошланди (фото)

“Уйғон, Қозоғистон!” ҳаракати бугун мамлакатнинг мустақиллик куни муносабати билан Алмати майдонида митинг ўтказмоқда. Улар ўз намойишларини бир дақиқалик сукут билан бошлади.

“Биз, ”уйғон Қозоғистон“ ҳаракати мамлакатда сиёсий ислоҳотлар бўлиши тарафдоримиз. Бугун тарихий мустақиллик куни, шу билан бирга мотам ва аламлар куни. Биз майдонга ўз ҳуқуқ ва эркинликларимиз учун курашга тайёрлигимизни билдириш учун чиқдик. Биз Назарбоевнинг тирания режимига қарши курашишга тайёрмиз”- дея, намойишчиларнинг сўзларидан иқтибос келтирмоқда Cа-news ахборот агентлиги.

^cа-news.org
“Биз 2011 йилда отишма қурбонлари бўлган Жанаозендаги нефть кони ишчиларини унутганимиз йўқ. Шунингдек, сиёсий қурбонлар Заманбек Нурқадилов ва Альтинбек Сарсенбаевларни ҳам унутмадик. Биз буларни (қотилликларни) сизлар қилганингизни биламиз”, - деган намойишчилар.

^cа-news.org
Шунингдек, бугун мамлакат пойтахти Нурсултон шаҳрида ҳам намойишлар бўлиб ўтди. Намойишчилар Алматидаги каби 2011 йилда нефть кони ишчиларини ўлдирилиши ва 1986 йилдаги талабаларнинг намойишлари куч билан бостиришида қурбон бўлганларни эслашган. Уларнинг кўпчилиги “йўқолсин тирания” дея, элбоши Нурсултон Назарбоевни ҳокимиятдан бутунлай кетишга чақирган.

^cа-news.org
Намойишчиларни тарқатиб юбориш учун уларнинг олдига чиққан полициячиларга эса, "биз ўзимизнинг ҳуқуқимиздан фойдаланаётган тинч халқмиз, биздан қўрқманглар, халқингизни эшитинглар,“- дейишмоқда.

^cа-news.org
Шунга қарамай, Қозоғистон пойтахтида 50 дан ортиқ намойишчилар қўлга олингани айтилмоқда.

^cа-news.org
Бир неча кун аввал, мамлакат Бош прокурори ўринбосари фуқароларни Мустақиллик кунида ноқонуний намойишларга чиқмасликка чақирган эди. “Замин” янгиликларини “Telegram”да кузатиб боринг