Bloomberg: Россия дунёдаги таъсирини кучайтира олганини Путиннинг асосий хизмати

^{Фото: «ТАСС»}
Bloomberg Россия президенти Владимир Путиннинг ушбу лавозимдаги 20 йиллик фаолияти давомида эришган натижаларини санаб ўтди.
Агентлик Россия камтарона бюджет билан дунёдаги геосиёсий таъсирини кучайтира олганини Путиннинг асосий хизмати деб баҳолаган.

Хусусан, Россия Путиннинг фаолияти давомида Хитой билан алоқаларни мустаҳкамлади, Қримни қўшиб олди, Суриядаги урушни бартараф қилди, НАТОга кирувчи Туркияга С-400 зенит-ракета комплексларини сотди ва Саудия Арабистони билан нефть ва қурол-яроғ бўйича йирик шартномалар имзолади.

Шунингдек, Россия иқтисодиёти Европа ва АҚШ санкциялари шароитида мувозанатни сақлай олди. Bloomberg мамлакат иқтисодиётини «дунёдаги энг соғлом иқтисодиётлардан бири» деб атади.
Бундан ташқари, агентлик манбаларига кўра, таққослаганда мудофаа саноати учун кам маблағ сарфласа ҳам Россия АҚШдан қуролланиш борасида устунлик қилади. “Замин” янгиликларини “Telegram”да кузатиб боринг