“Хитой ёш мусулмонларни интернатлар орқали динидан узоқлаштиряпти”

Расмий маълумотларга қараганда, Шарқий Туркистонда деярли ярим миллион бола ўз оилаларидан ажратилиб, интернатларга жойлаштирилган. Хитой ҳукумати келгуси йилнинг охирига қадар ҳудуддаги 800 та аҳоли пунктининг ҳар бирида 1-2 тадан мана шундай мактаб-интернатлар очишни режалаштирган.

New York Times газетасининг ёзишича, ушбу мактаб-интернатларнинг мақсади болаларни кичик ёшдан бошлаб атеистик ва коммунистик руҳда тарбиялашдан иборат.

Шунинг учун бундай муассасаларга фақат туркийзабон, “ота-онасиз қолган” (аслида ота-онаси ҳибсхоналарда сақланаётган) болалар олиб келинмоқда.

Яқинда Қошғардаги болалар боғчасига келган коммунистик партия мутасаддиси Чен Сюанго ўқитувчиларга “болаларга партияни ва ватанни севишни” ўргатишни буюрган. Шубҳасиз, бундай қарашлар мактаб-интернатларда ҳам сингдирилмоқда.

Айни пайтда Хитойга халқаро босим аста-секин ўсиб бормоқда, Ғарбдаги таниқли нашрлар Хитойда инсон ҳуқуқлари оммавий равишда бузилаётгани ҳақида мақолалар босиб чиқармоқда. «Замин»ни Telegram’да ўқинг!