Наргиз Зокирова Россиядан нафратланиши ҳақидаги гап-сўзлар бўҳтон эканлигини маълум қилди

^{Фото: «РИА Новости»}
Хонанда Наргиз Зокирова Россиядан нафратланиши ҳақидаги гап-сўзлар жирканч ва тубан ёлғон эканлигини маълум қилди. Бу ҳақда «РИА Новости»га таяниб Дарё хабар бермоқда.

«Россияни ёмон кўришим, бу мамлакат фуқароларини эса ‘башаралар’ деб аташим ҳақидаги овозалар жирканч ва тубан уйдирма. Бу гапларим учун ёлғон детекторида ҳам жавоб беришга тайёрман», — дея ёзув қолдирган Наргиз Instagram’даги саҳифасида.

Хонанда бу ерда уни ёқтиришгани учун мамлакатни тарк этиш ниятида эмаслигини билдирди.
«Болалик орзуларимни рўёбга чиқариш ва аслимдагидек бўлиш имкониятини берганларинг учун сизларни севаман ва доим шундай бўлиб келган», — таъкидлаган Наргиз. «Замин»ни Telegram’да ўқинг!