АҚШ президенти Дональд Трамп твиттердаги саҳифасида эронлик генерал Қосим Сулаймонийнинг ўлими билан тугаган операция ҳақида фикр билдирди. Бу Трампнинг операция ҳақида илк фикрлари бўлди.
«Эрон ҳеч қачон урушда ғолиб бўлмаган, аммо ҳеч музокараларда ютқазмаган», деб ёзди АҚШ президенти.
Iran never won a war, but never lost a negotiation!
— Donald J. Trump (@realDonaldTrump) January 3, 2020
Кейинги твитларида Трамп бевосита Қосим Сулаймоний ҳақида ёзди.
«Генерал Қосим Сулаймоний минглаб америкаликларни ўлдирди ёки жароҳатлади. У яна кўпчиликни ўлдиришни режалаштираётганди, аммо қўлга тушди! У миллионлаб одамларнинг, жумладан Эрондаги намойишчиларнинг ўлдирилиши учун жавобгар.
Эрон буни тан олишни хоҳламаётган бир вақтда Сулаймонийдан Эроннинг ўзида қўрқишар ва ундан нафратланишарди. Улар раҳбарлари ташқи дунёни ишонтиришга уринаётган даражада хафа эмас. У анча йиллар олдин қўлга олиниши керак эди», дейди Трамп.
Трамп навбатдаги постларида Ироқ устидан назорат ҳақида гапирди: «АҚШ Ироққа ҳар йили миллиардлаб доллар пул сарфлаяпти. Бу биз қилишимиз мумкин бўлган энг кўп нарса. Ироқликлар уларни Эрон назорат қилишини хоҳлашмайди, бу уларнинг танлови. Сўнгги 15 йилда Эрон назоратни тинимсиз ошириб борди. Ироқликлар эса бундан хурсанд эмас. Бу ҳеч қачон яхшилик билан тугамайди».
2 январдан 3 январга ўтар кечаси Эрон ислом инқилоби муҳофизлари корпуси (ИИМК) қўмондони генерал Қосим Сулаймоний АҚШ ҳарбийлари томонидан ўтказилган операция оқибатида ҳалок бўлди. Унинг машинаси масофадан туриб бошқариладиган дрон ёрдамида ўққа тутилган ва Сулаймоний ҳалок бўлган. Унинг шахси қўлидаги машҳур узуги ёрдамида аниқланди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Damas учун онлайн контрактация очилади
Эрон президенти жиддий баёнот берди: «Исроилдан ҳеч нарса қолмайди»
Германиянинг Knauf компанияси Россиядан бутунлай чиқиб кетишини тасдиқлади
Россия дунёдаги биринчи водород ёқилғили автомобилни тақдим этди
Германияда мактаб ўқувчилари оммавий равишда ислом динини қабул қилмоқда
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?