Владимир Зеленский 2019 йилда «Квартал 95» студиясидан 210 минг доллар даромад олгани маълум бўлди

^{Фото: EPA}
Украина президенти Владимир Зеленский 2019 йилдаги даромадлари тўғрисидаги декларацияни янгилади. Ҳужжат Коррупцияга қарши кураш бўйича миллий агентлик сайтида жойлаштирилди, дея хабар беради Daryo.uz.

Декларациядан маълум бўлишича, 27 декабрда Украина президенти «Квартал 95» студиясидан 4,8 миллион гривен (205,9 минг доллар) миқдорида муаллифлик ҳақи, шунингдек, савдо маркасидан фойдаланилгани учун 104 минг гривен (4,3 минг доллар) товон пули олган.

2019 йил учун даромадлар тўғрисидаги тўлиқ декларацияни Украина президенти жорий йил апрель ойигача эълон қилиши керак. «Замин»ни Telegram’да ўқинг!