Австралияда акула германиялик футболчини еб кетди

Американинг «Гастинг Бронкос» футбол клуби вакили Эрик Биригитти Австралияда дўстлари билан ўтказаётган таътили вақтида фожиали вафот этди. Бу ҳақда El Caso нашрига таяниб Kun.uz хабар бермоқда.

Манбанинг хабарига кўра, 21 ёшли футболчи тошли қирғоқ бўйлаб айланиб юрганида кутилмаганда сирпаниб, тепаликдан сувга қулаган. Натижа кучли оқим Эрик Биригиттини денгиз томон олиб кетган. Унинг дўстлари ҳар қанча ёрдам беришга ҳаракат қилишмасин, уринишлар зое кетган. Воқеа жойига полиция ва қутқарув гуруҳлари етиб келгач, кечаси жасаднинг қолдиқларигина топилган. Дастлабки маълумотларга кўра, очиқ денгизда Биригиттига акулалар ҳамла қилиб, уни еб кетишган. Акула ҳужумига қадар, Эрик тирик бўлганми ёки йўқ – ҳозирча номаълум.

Марҳум футболчининг клуби «Гастинг Бронкос» Эрик Биригиттининг яқинларига ўз ҳамдардлигини билдирди. «Замин»ни Telegram’да ўқинг!