23:35 / 12.01.2020
3 542

Буюк Британия элчиси Эронда қўлга олинди, унга катта айблов қўйилган

Буюк Британия элчиси Эронда қўлга олинди, унга катта айблов қўйилган
Теҳронда Буюк Британия элчиси Роберт Макэйр қўлга олинди. У Эрон пойтахтида норозилик намойишлари ташкил этишда айбланмоқда.

Шанба, 11 январда бир гуруҳ талабалар Амир Кабир номидаги технология университети қаршисида тўпланган ва Украинага тегишли Boeing 737 самолёти Эрон қуролли кучлари томонидан уриб туширилгани юзасидан норозилик намойиши ўтказган. Британия элчисига ўша вақтда талабалар орасида бўлгани ва намойишчиларни бошқаришга урингани айблови қўйилди.

Роберт Макэйр қўлга олингандан сўнг орадан бир неча соат ўтиб қўйиб юборилди. Дипломат ўзига қўйилган айбловлар асоссиз экани тўғрисида твиттердаги саҳифасида ёзиб қолдирди.

Унинг таъкидлашича, намойиш ўтаётган жойга Boeing 737 қурбонларини хотирлаш учун келган. Эслатиб ўтамиз, вафот этганлар орасида Буюк Британия фуқаролари ҳам бўлган. Аммо элчининг таъкидлашича, хотирлаш маросими иштирокчилари турли шиорларни айтиб, бақира бошлагач у дарҳол кетиб қолган. Шунга қарамай ярим соатдан сўнг Эрон ҳуқуқ-тартибот ходимлари Роберт Макэйрни қўлга олишган.

«Дипломатни қўлга олиш ҳар қандай мамлакатда ноқонуний ҳисобланади», — дейди Макэйр.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Буюк Британия элчиси Эронда қўлга олинди, унга катта айблов қўйилган