Қуддусда аёлларнинг бошига “дўзах азобини” солган раввин қўлга олинди

Исроил полицияси эллик чоғли аёл ва болаларни қулдек сақлаб келган раввинни ҳибсга олди. Аммо олтмиш ёшли раввин ҳеч қандай нотўғри иш қилмаганини айтган. У билан бирга жиноятларга алоқадорликда гумон қилинган саккиз аёл ҳам ушланган.

Исроил матбуотининг ёзишича, қулликда сақланган аёллар жинсий зўрликка учраган бўлиши мумкин. Дўзахнинг қандай жой эканини билишлари учун баъзи аёллар қўлларини ўтга тутиб туришга мажбурланган. Энг кичиги 5 ва энг каттаси 11 ёшда бўлган болалар раввин томонидан таҳқирланган бўлиши мумкинлиги ҳам текширилмоқда.

Аёллар оғир шароитларда яшаган, яқинлари билан гаплашишига рухсат берилмаган, ишлаб топган пулларининг асосий қисмини эса раввинга топширишган. «Замин»ни Telegram’да ўқинг!